ඉතින් අද මම ඔයාලට අරගෙන ආවා තවත් අලුත් දෙයක්. ඒ තමයි Lamp Dimmer නිෂ්පාදනය. ගොඩක් නිවාස වල සාලයේ තිබෙන බිත්ති ලාම්පු වල එලිය අඩු වැඩි කරගැනීමට එහෙමත් නැත්නම් පාලනය කරගැනීමට Lamp Dimmer භාවිතා කරනවා. ඉතින් මේකේ තිබෙන්නේ ඉතාම සරල පහසුවෙන් සාදා ගත හැකි පරිපථයක් තමයි. ඉතින් මේ Lamp Dimmer නිෂ්පාදනය කරලා ඔබට පුළුවන් වෙළද පොලට ඉදිරිපත් කරන්න. දැනට රැකියාවක් කරන යට අමතර ආදායමක් ලෙසත් රැකියා නොමැති අයට ස්වයන් රැකියාවක් ලෙසත් මෙම Lamp Dimmer නිෂ්පාදනය ආරම්භ කරන්න පුළුවන්.
ඒවගේම ගොඩක් දෙනාට තිබෙන ගැටළුවක් තමයි, මොනයම් හෝ අලුත් නිෂ්පාදනයක් කලත් එහි බාහිර ආවරණ සාදා ගැනීම සදහා විශාල මුදලක් යෙදවීමට සිදුවීම. නමුත් මෙම Lamp Dimmer එකට අවශ්ය බාහිර ආවරණය පහසුවෙන්ම සකස් කරගන්න හැටිත් මම ඔබට කියල දෙනවා.
මම මිට කලින් ලිපියෙන් Traic උපාංගය ගැන හැදින්වීමක් කලා ඔබට මතක ඇති. ඉතින් මෙම පරිපථය BT 136 නම් වූ Traic උපාංගයක් පදනම් කරගෙන නිර්මාණය වුවක්. ඒවගේම පරිපථයේ DB 3202 යනුවෙන් සදහන්ව ඇත්තේ Diac උපාංගයකි. ඒවගේම පරිපථයේ 100K Pot යනුවෙන් සදහන්ව ඇත්තේ 100K Variable Resistor එකකි. මෙම 100K Variable Resistor එක කරකවා, පරිපථයේ Load යන ස්ථානයට සවි කර ඇති විදුලි පහනේ එලිය අඩු වැඩි කර ගැනීමට හැක.
BT 136 Traic උපාංගයේ Pin හදුනාගන්නා ආකාරය.
Diac උපාංගයක සාමාන්ය පෙනුම.
100K Variable Resistor එක.
මෙම Lamp Dimmer එකේ බාහිර ආවරණය සදහා පහත රූපවලින් පෙන්වා ඇති ආකාරයේ Switch සවිකිරීමට ගන්න Sunk Box එකක් සහ එම Sunk Box වැසීමට ගන්නා Blank Plate එකක් භාවිතා කරන්න පුළුවන්. Sunk Box එක තුල පරිපථය සවිකර Blank Plate එකේ සිදුරක් විද 100K Variable Resistor එක සවිකරන්න. 100K Variable Resistor එක කරකැවීම සදහා Knob එකක්ද සවි කරන්න. ඉන්පසු විදුලි පහනට යන වයර් දෙක Sunk Box එකෙන් එලියට තබන්න. දැන් Blank Plate එක, Switch සවිකරන ඇන ආධාරයෙන් Sunk Box එකට සවි කරන්න.
Sunk Box
Blank Plate
අවසන් නිෂ්පාදනය ඔබට මෙසේ දිස්වනු ඇත.
