ඉතින් මම ඔබට මෙම වෙබ් අඩවිය ඔස්සේ, විදුලියෙන් ක්රියාකරන උණු වතුර ෂවර් එකක් හදන හැටි කියාදුන්නා ඔබට මතක ඇති. විදුලියෙන් ක්රියාකරන නිසා උණු වතුර ෂවර් එක භාවිතා කරන අයගේ ආරකෂාව පිලිබදව අප ගොඩක් සැලකිලිමත් වෙන්න ඕන. මම ඒ කලින් පාඩම් මලා වෙනුත් ඔබට කිව්වේ, නිවසේ Trip Switch එක නිසි ආකාරව ක්රියාකාරී නම්, එයින් ලැබෙන ආරක්ෂාව හොදටම ප්රමාණවත් කියලා. එත් අපගේ වෙබ් අඩවිය බලා, උණු වතුර ෂවර් හදපු සමහර අය මගෙන් අහලා තිබුණා, උණු වතුර ෂවර් එකට විදුලිය ලබාදෙන Plug Base එකට වෙනමම Trip Switch එකක් සවි කර ගත්තොත් එහි ආරක්ෂාකාරී බව වැඩියි නේද කියලා... ඉතින් එම නිසා මම අද ඔබට ඉදිරිපත් කරන්නේ, උණු වතුර ෂවර් එකට විදුලිය ලබාදෙන Plug Base එකට වෙනමම Trip Switch එකක් සවිකරන ආකාරයයි..
දැනට ඔබ Plug Base එකට සවි කර ඇති Live සහ Neutral වයර් දෙක ගලවා, එම වයර් දෙක ඉහත රුපයේ ආකාරයට Trip Switch එකේ උඩට සවිකරන්න. ඉන් පසු තවත් වයර්දෙකක් Trip Switch එකේ යට පැත්තෙන් සවිකර එහි අනෙක් කෙලවර Plug Base එකට සවි කරන්න. පසුව Plug Base එකේ Earth Terminal එකට Earth වයරයක් සවි කර එහි අනෙක් කෙලවර, පොළවට බස්සවා ඇති Earth Rod එකකට සවි කරන්න. මෙහිදී අප සිදුකර තිබෙන්නේ, Plug Base එකට Trip Switch එක හරහා විදුලිය සැපයීම බව ඔබට වැටහෙනවා ඇති. දැන් ඔබට Plug Base එකට උණු වතුර ෂවර් එක සවි කර භාවිතා කල හැක. යම්කිසි විදුලි කාන්දුවක් වුව හොත්, තත්පරයෙන් දාහෙන් පංගුවක කාලයකදී, Trip Switch එක Off වී, උණු වතුර ෂවර් එකට ලැබෙන විදුලි සැපයුම විසන්ධි වනු ඇත.